என் பக்கம்

என் பக்கம்

எலுமிச்சை

Posted: 05 May 2012 06:10 AM PDT

சிலிர்க்க வைக்கும்

நிவாரணத்தோடுப்

பிதிங்கி நிற்கிறேன்;

கர்ப்பவதியைப் போல!

துவண்டுப்போன

மேனியைப் பளப்பளக்க;

கொழுத்து நிற்கும் பொடுகிற்குப்

பொடிவைத்து அடிக்கொடுக்க;

பருக்களுக்குப் பாரமாய்;

களைப்பிற்குத் தூரமாய்!

அடுக்கிவைக்கும் ஆரோக்கியம்

ஆயிரம் கொண்டாலும்;

வாகனத்தின்

திருஷ்டியைக் கழிக்க;

சக்கரத்திற்கு அடியில்

என்னைத் திணித்து;

இளித்து நிற்கும்

மனிதர்களுக்கு மத்தியில்

மணமாய் நான்!

பாலையில் ஓர் கோழை

Posted: 05 May 2012 04:58 AM PDT

கதை சொல்லும் விழிகள்

கண்ணீர் கக்க;

விரல்களோ வழியை மறிக்க;

பிதிங்கியது இதழ்கள்!

உன் குரல் கேட்டு;

இதயத்தில் உரல் ஒன்று இடிக்க;

சப்தம் எழுப்பாதத்

தொண்டையைக் கனைத்து;

வெறுப்பாய் உறுப்புகள்

நெருப்பாய் உஷ்ணம் காட்ட;

ஒலிகள் உதறலோடு!

உன் நெருக்கமின்றி;

பல இரவுகள் உறக்கமின்றி;

உருண்டுப் படுக்க;

அறை நண்பர்கள்

குறை கேட்க;

ஒன்றுமில்லை என

மென்று விழுங்க!

புது மாப்பிள்ளை

எல்லோரும் கொஞ்ச;

தலையணை மட்டும்

எனக்குத் தாலாட்டுப் பாட;

பாலையில் நான்

கோழையாக!